1. Keywords ka Zaroor Shamil Hona
Title me wohi lafz (keywords) hone chahiye jo passage ya precis ka main idea batate hain. Ye examiner ko foran samajh deta hai ke aap ne theme pakar li hai.
2. Title Start Me Ho, End Me Nahi
Title ko likhne ke baad hi precis shuru karni hai. End me dena ghalat mana jata hai.
3. Title Centre Me Likho
Title ko hamesha page ke darmiyan (centre) me likhna hai taa ke clearly alag nazar aaye.
4. Sirf Aik Title Do
Zyada titles dena examiner ko confuse karta hai. Hamesha aik hi final title likhna hai.
5. Apne Alfaz Me Title Likho
Kisi mashhoor quote, kahawat ya line ko title nahi banana. Bas apne simple words me likho. Jaise:
❌ “Honesty is the best policy”
✅ “Honesty is Good”
6. Title 3 se 6 Words Ka Ho
Title na bohat chhota ho (sirf 1 word) aur na hi bohat lamba. 3 se 6 lafz best hain.
7. Black Marker For Title
Agar precis ko blue marker se likh rahe ho to title ko black marker se likhna hai. Is se wo alag aur clear dikhai dega.
8. End Me Punctuation Na Ho
Title ke end me full stop, comma, question mark, kuch bhi nahi lagana. Ye writing mistake samjhi jati hai.
9. Inverted Commas Nahi Lagane
Title ko ‘ ’ ya “ ” me band karna mana hai. Bas simple likhna hai.
10. Underline Nahi Karna
Title ko underline karna avoid karo. Bas centre me aur neat likhna hi kaafi hai.
11. Capitalization Ka Rule
Title ke sab lafz capital nahi likhne. Sirf pehle lafz ka pehla letter capital ho. Baqi words small me.
Example:
❌ THE POWER OF HONESTY
✅ The power of honesty
12. Heading “Title” Nahi Deni
Examiner bacha nahi hai 😅 is liye “Title:” likhne ki zaroorat nahi. Bas seedha title likho.
13. Title Simple Aur Clear Ho
Title ko ajeeb ya mushkil lafzon me na banao. Simple aur samajhne me easy hona chahiye.
Leave a Reply